Anbaa Aldelta انباء الدلتا
مات الكلام
بقلم / محمد جعفر
مات الكلام فوق الشفايف
وانت شايف طب
وليه بس السكات
مات وجفت دمعه رفت
فوق خدود الذكريات
ده انت صوت صمتك نادانى
وده اللى باقى م المعانى
جيت لقيتك حد تانى
حد طبعه قاسى وانانى
حد بياخد وما يدييش
روح
روح وشوف لك حد تانى
حد يكون غاوى يعانى
اما انا شوفت من قبلك كتير
وعرفت ان المعانده
والمناهده دايما بتهدم
وما بتبنيش
عشان كده
روح انت دور ع اللى يستاهلك
وسيبنى انا
للوحده راح أعيش
