الكاتب الصحفى – عاطف دعبس – يكتب عن معاناة مريض بالسرطان .. والرئيس هو الحل

الكاتب الصحفى – عاطف دعبس – يكتب عن معاناة مريض بالسرطان .. والرئيس هو الحل

السيسى هو الحل والأمل ، لايوجد من يحس بألام مريض شاب وكل المرضى الغلابة ، ولا الشباب الذى ينهكها الألم . إلا الرئيس السيسى الإنسان ، وهذا شاب يعانى الألم من السرطان ، فهل هناك ممن ينافقون الرئيس فى كل مناسبة ، يسعى للسير على خطى الرئيس ،، ولله رب العالمين ؟؟ وجود مريض بهذا الشكل وتلك الظروف والملابسات – عار عليكم وعلى وجودكم – فكيف وأنتم خدم للناس ؟
أثق فقط فى الرئيس ووزير الدفاع ووزير الداخلية ، وهذا ماكتبة شقيق الشاب. لعل وعسى ، البلد والفلوس من الله ولله ، والمناصب زائلة ياخدام الكراسى ،، ويامسهل
—————
اللى ف الصور ده اخويا … مصطفى محمد سرحان من قريه كفر الشرفا الشرقي بطنطا طالب في كلية الصيدلة بطنطا
هتكلم بس ف شوية نقط..
هو بيتعالج من الليمفوما (سرطان الغدد الليمفاوية)من اكتر من 6سنين ..مش هتكلم واطول ف رحلة علاجه والروتين والمعاناة طول ال6سنين ..هتكلم بس على اخر كام شهر ف علاجه من غير زيادة ولا اى مبالغة وانا طبيب عشان بس الناس تبقى عارفة انا بتكلم ازاى…
اخر علاج للاورام اخده كان علاج مناعى اسمه opdivo واللى كان كاتبهوله دوكتور من القاهرة وبعد معاناة مع الروتين الدوا وصل واخد 6جرعات والحمد لله لما عملنا أشعة مسح ذرى pet-ct بعدها مكانش فيه اورام ف جسمه وده طبعا حاجة عظيمه لمريض سرطان بيتعالج منه من 6سنين والمفروض كان فورا يتحول لعملية زرع نخاع بس الدكتورة اللى بتعالجه ف الاورام كان ليها رأى تانى أنه ياخد كمان جرعتين مش فاهم ليه ….
المهم على ما الروتين خلص واخد الجرعتين كان حصل recurrence والاورام رجعت تانى بصورة نشطة ف جسمه ومعدش ينفع يتعمله زرع نخاع ….
لك ان تتخيل مريض بيعانى من 6سنين ونفسه ف مرة الاورام تختفى من جسمه عشان يبقى عنده فرصة زرع نخاع ولما ربنا يأذن ,الدكتورة اللى بتعالجه تاخد قرار يضيعه …
المهم الكلام ده كان من حوالى 5شهور وعشان مادخلش ف تفاصيل بس اللى حصل الفتره اللى فاتت هتكلم عن اخر شهر ونص …
المفروض كان محجوز من شهر ونص ف الاورام عشان يتجهز أنه ياخد علاج الopdivo تانى …بس طبعا العلاج اتاخر وهو تعب جامد لدرجة أنه مكانش عارف ياخد نفسه وطبعا محدش من الدكاترة بيهتم ولا عارف ياخد قرار والعناية اللى ف الاورام الجديدة بايظة مش فاهم ليه…المهم انا اخدته على كرسى متحرك واسطوانة اوكسجين ورحت عملتله أشعة على صدره واخدته ورحت قسم الصدر واتحجز عناية علطول لانه كان عنده severe pneumonia يعنى التهابات شديدة ع الرئة ….واتحجز ف العناية لمدة 3اسابيع والحمد لله التنفس اتحسن وخرج من العناية ….
المفروض ده مريض اورام يعنى المفروض يخرج يروح الاورام تانى تحت المتابعة عشان ياخد علاج الأورام اللى منتشرة في كل حتة ف جسمه …بس طبعا رئيس القسم رفض والدكتورة اللى بتعالجه قالت لما يعدى 20 يوم مش فاهم ليه ….
بالإضافة أن جاله جلطه ف رجله لما كان ف العنايه وبيتعالج منها حاليا ف البيت ومن اسبوع ظهرتله الحاجات دى ف وشه وكل جسمه..
اللى عايز أوصله أن ده مريض اورام وف درجة متأخرة جدا ومناعته شبه منتهية يعنى ازاى ده يقعد يتعالج ف البيت …ده عرضة لأى بكتريا وفيرس وفطريات زى مانتم شايفين …
ياريت الكلام ده يوصل لمحافظ الغربية ولرئيس جامعة طنطا وعميد كلية الطب وعميد كلية الصيدلة الطالب ده اعتبروه ابنكم أو ابن استاذ جامعة وعالجوه أو احجزوه ف مكان نضيف وخففوا عنه اللى هو فيه..
ده رقمى 01154708662