[[ آفة حارتنا النسيان ]] بقلم / فؤاد عجوة

[[ آفة حارتنا النسيان ]] 

بقلم / فؤاد عجوة

 

الناس نسيوا الوقفه طويلا في السوبر ماركت علشان ياخدوا شويه جبنه ورغيفين عيش لولادهم اللي هيموتوا من الرعب والجوع !!

— نسيوا الوقفه علي محطات البنزين بالساعات علشان ياخدوا 5 لتر بنزين في چركن بدل ما يشتروه سوق سودا !!

— نسيوا الباب الحديد والطبنجات الصوت اللي راحوا أشتروها علشان يحموا بيوتهم وولادهم من المسجلين اللي بيهجموا علي البيوت !!

— نسيوا مناظر العيال اللي واخدين اعدام وهما خارجين من السجون بالبدل الحمراء و طالعين يجروا في الشارع !!

— نسيوا ماكينات ال ATM وهي بتتخلع من مكانها وبتتحمل علي عربيّات نص نقل علشان يسرقوا اللي جواها !!

— نسيوا السلاح الميري اللي كان بيتباع في المعتمديه وعند سور مجري العيون ب 2500 جنيه واللي أتسرق من الظباط بعد ما قتلوهم قصاد الأقسام !!

— نسيوا موظفين فندق سميراميس وهم واقفين بالسكاكين في الشارع علشان يحموا أكل عيشهم من البلطجيه اللي عايزين يدخلوا يسرقوه !!

— نسيوا كارفور وبي تك وأركاديا وهما بيتسرقوا وبتتحمل البضاعه اللي فيهم علي عربيّات كارو علشان تتباع في السبتيه !!

— نسيوا الشهيد محمد خفاجي اللي نزل من بيته علشان يحمي اهالي روض الفرج من المجرمين اللي في الشوارع ؛ وهو ماشي في طريقه للقسم طلع عليه شمامين شبرا الخيمه وضربوه بالنار لمجرد أنه لابس البدله الميري !!

— نسيوا لما كانوا بيروحوا كوم السمن والجعافره علشان يتفاوضوا مع تجار المخدرات علي عربياتهم المسروقه ؛

واللي كان التاجر بيشتريها ب 10 جرام بودره من الحرامي و بيرجعها لصاحبها ب 30 الف جنيه !!

— نسيوا ظباط الشرطه اللي كانوا بيترموا صاحيين من فوق كوبري أكتوبر وهما جوا المدرعات !! •••• خلاص الكذب والخداع والتمويل والمرقعه خلت الناس نسيت الأيام السودا ؛

— ونسيوا الجيش في الوقت ده عمل أيه و نزل الشارع علشان ينقذ مصر من أيه ؟! — النهارده بقيتوا تصدقوا كلام البودرجيه والمومسات اللي ليهم ملف في الأداب !!

— النهارده بقيتوا تسمعوا للعيال اللي مقضينها تبادل زوجات في قطر وتركيا !!

— بقيتوا ماشيين ورا مقاول برشلونة الشمام اللي بيطلع ماربيلا علشان يقابل الواد القطري اللي هيغسله الفلوس اللي سارقها من ولاد اخوه الأيتام !!!

— بقيتوا بتتعاطفوا مع وائل غنيم المقيم في كاليفورنيا واللي بيتعاطي ” أكستاسي ”

— و النهارده طالع لنا بلبوص علشان خايف علي مصلحتنا !! طيب خاف علي مصلحتك انت الاول !!!!

للعلم انا فؤاد محمد عجوه المحامي ♡♡♡ { مش قلقان علي مصر منهم ولا شاغلني ثوره الشمامين اللي عايزين يعملوها أي يوم الجمعه }

— أقسم بالله العلي العظيم مصر ما هتقع ؛ ولو نزلت السما علي الأرض برضه مش هتقع ؛

••• لأن دول شويه هاموش الجيش و الشرطه قادرين يدعكوا وشهم في نعل البياده و ساعتها مش هيبان لهم صاحب ؛ ♡♡♡ أنا فقط حزين علي نكران الجميل للراجل اللي متخلاش عن مصر الارض والشعب ♡♡♡ ♡♡♡ و حزين أننا عايشين وسط شويه عرر من السهل يسوقهم خائن وعميل بسطرين بودره و بسيجاره حشيش !!!!

— الناس دي حرام يشاركونا في رغيف العيش و في الهوا اللي بنتنفسه ؛

— و حرام يكونوا محسوبين علينا بالكدب أنهم مصريين ؛ ••• بجد يا خساره ••• ♡♡ كمل مشوارك ياسيسي ♡♡ ♡♡ كلنا معاك ♡♡