أخبار عاجلة

“مريم ” شهيدة المعادى …. خواطر : د- ولاء إبراهيم

“مريم ” شهيدة المعادى

خواطر : د- ولاء إبراهيم

 

 

كانت راجعة من شغلها
هلكانة يا قلب امها
يوم طبيعي عندنا
لكن نهاية عندها
الله يكون في عون اخواتها
وفي عون ابوها وامها
حبة كلاب مطلوقين
لا عرفوا عيب ولا سمعوا دين
عاكسوها علشان يضحكوا
او يسرقوا او يلعبوا
ولما قاومت
ساووا جسدها بالرصيف وهم بينهبوا
ومكتفوش بالسحل
داسوا عليها موتوها وهم بيهربوا
آدي الرباية الخايبة
اللي ما عرفت لا دين ولا ضمير
آدي الرجولة الغايبة اللي خلت
الشريف يخاف ويجري من الحقير
آدي مرار الظلم اللي صوتة
انكر من صوت الحمير
آدي الاذى اللي خلى
اهل حيعيشوا على الحسرة كتير
على العروسة اللي اتزفت لقبرها
قبل ما تلبس حرير
سابت لنا وجع الندامة على الشباب
اللي صبحت عايشة
تإذي الصغير والكبير
حسبي ربي في كل ظالم
واللي ماشافش ذرة تربية
واللي موتة احسن من عيشتة كتير

عن naglaa

شاهد أيضاً

خليك جريء. خواطر : د- ولاء إبراهيم

خليك جريء. خواطر : د- ولاء إبراهيم   خليك جرئ ،، للحرامي قول حرامي ع …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *