Anbaa Aldelta انباء الدلتا
قالو الخطورة فين..؟
بقلم / محمد جعفر
قالو الخطوره فى المساجد
فى الكنائس والمعابد
فى اللى راكع واللى ساجد
فى اللى بيصلى بخشوع
للى خلق الكون ده كله
وجعل مننا ناسك وعابد
*************
هى الخطوره فى بيت ربنا؟
وإلا كامنه ف قلبنا؟
لو سالت فى يوم حكيم فين النجاه
دوغرى هيقولك
قوم نصلى لربنا
************
هى الكورونا مش فى الشوارع؟
مش فى المواصلات والمصالح؟
ولا فى المدارس والامتحان؟
ولا فى المحاكم والاوتوبيسات؟
وإلا امنت !!!!؟ وخايفه من يوم الحساب
وقاعده فى بيوت ربنا
عجبى
