{{ هكذا تسعي للإصلاح الاقتصادي }} بقلم /  فؤاد عجوة 

{{ هكذا تسعي للإصلاح الاقتصادي }}

بقلم /  فؤاد عجوة

 الإصلاح الحقيقي ليس مش إن السلع ترخص .. ولا إن الدولة تحاول تساعد الناس … بتقديم دعم مادي أو عينى لهم “وده للأسف اللى أتعود عليه المصريين” لأ مطلقا … ️حل مشاكل مصر الإقتصاديه من وجهة نظر الرئيس لازم يكون جذرى … من المنبع يعنى أننا نشتغل وننتج فمانحتاجش نستورد وبالتالى نوفر العمله الصعبه اللى بنستورد بيها فيزيد الأحتياطى النقدى ونتيجه لكده يتحسن التصنيف الأئتمانى لمصر النتيجه ان الإستثمار يزيد وتتفتح مشاريع كتيره ومتنوعه وبدل ما نستورد … نصدر وبالتالى العمله الصعبه بدل م تخرج من البلد … تدخل وبناء عليه يبتدى دخل الفرد يزيد قوم يقدر يواكب الغلاء اللى هو بالمناسبه عالمى قوم مانبقاش دوله فقيره كلامه عن شركات قطاع الأعمال… كلام حد عارف كل أمراض البلد دى وعلاجها!!! لكن مش حينفع هو اللى يمد ايده يعمل الإصلاح الإدارى .. أو الإقتصادى فى ناس بتشتغل فى البلد دى.. بتقبض فلوس عشان تعمل كده ومش بتعمل وكمان حنلاقى إن السيسى هو الوحيد فى البلد دى اللى عنده جرأة التفكير خارج الصندوق وواضح جداً إن هو المحرك الرئيسى او الدماغ اللى بتفكر فى المشروعات الإقتصاديه للجيش وعارف كويس يطوعها عشان تخدم مصر … “المدنيه” وبالمناسبه اللى بيقولوا إننا دوله عسكريه… يحموكوا فى كنكه لاحظت كمان رغبته الجاده فى كسر الروتين حتى مع الجيش … يعنى نعمل المناقصه الماليه للمشروع … يقول ليه ؟ الوقت اللى حنضيعه فى المناقصه = فلوس وفى الوقت اللى هو حريص فيه على كل قرش بيتصرف لكن معندوش مانع يدفع .. ويدفع كتير عشان كل حاجه تتعمل صح “زى الكتاب” إحنا قدام رئيس دوله …