“اسكندريه ياسمين “

بقلم / ياسمين الشاذلى

 

انحت اسمك فيا

ياسمين الشاذلي

امشي في قلبي وكانك فرس البحر

وانا هتحمل قوة رجلك

بس استني لما ملوحة المية

تدوب فيها وتكوى فراغ الايام قبلك

خليني اطمن اكتر

اضمن لضفايري ماتتفكش

واحلف لعيوني ماتندمش

وتبقي بحر

ارمي اللي بيوجعني فيه

ووعد تملي ابقالك كما عايز

حتي لو هتكتبني رسايل في الازايز

وابقي مرسالك مابين الصيادين

قراءة فى قصيدة ياسمين  …  طلعت طه

اول مره سمعت ياسمين كانت في قصيده اسكندريه،وانا اصلا بحب اسكندريه سرحت معاها في القصيده وهي بتقول كلام زي اسمها وشكلها وانا كمان بحب الياسمين،وياسمين فكرتني باصحابي الاسكندرانيه الطيبين والولاد المزعجين وبحري وأبو قير وتريانون وكفافيس وسيدي بشر كورنيش الغلابه ولما جعنا رحنا عند محمد احمد وكنا مفلسين،مخدناش بالنا وحنا علي البحر مشيين غير لما الشتا غرف الدنيا حوالينا وأحنا كنا في طريقنا مكانين.
ياسمين البنت الجميله الطيبه لما حبت تتكلم على اسكندريه قالت كلام تاني مش محتاج شرح للتفاصيل.
وفي
( انحت اسمك فيه )
أكدت ياسمين ان الشعر له ناس كتير مبدعين
-تكلمت ياسمين عن الحب /الوطن / الغربه داخل الحبيب والذات /الأحلام المستحيله الرافضه للتحقق.

ورغم معاناه ياسمين رأت أنها اقوي من الجبال من أجل الحبيب حتي لو ضرب بقدمه في ارض القلب اضعف ما فيها ليصبح العناد والأمل اقوي ما فيها وتري أن تمهد الارض بالقلب له حتي لو تكبدت ألم علي ألم،وتحتفظ بوقارها وكبريائها اما نفسها علي الأقل وهذا هو الأهم لان لن يبقي لها الا قلبها الطيب كما ضحت عن طيب قلب.

ياسمين الشاذلي شاعره مطلوب منها مزيد من الابداع حتي تملا الدنيا بالشعر في وقت ملأ الدنيا ضجيج الوهم ممن يدعي الشعر
ياسمين اسمك كما وجهك كما ابداعك.