انما الامم الاخلاق … بقلم /جابر سركيس – عضر اتحاد كتاب مصر

انما الامم الاخلاق

بقلم /جابر سركيس

عضر اتحاد كتاب مصر

احل الله للزوج ان يتزوج مثنى وثلاث ورباع، لكن كثير من الرجال لايفعلون ذلك، اما رضا بقضاء الله وقناعه بما قسمه له او لعدم قدرته على ذلك ماديا اوصحيا او لظروف العمل والحياه التى تشغل جسده وعقله عن مجرد التفكير فى هم  جديد

لكن هناك بعض النساء وقد يكن منهن  عابدات مصليات حافظات لكتاب الله لايقبلن بزوج واحد حتى بعد بلوغهم سن الياس كما يقولون فيرغبن ويسيعين ان يكن لهن الى جانب الزوج الشرعى المعلق فى ساقية الحياة كما الجاموسه، عشاق ومحظيين اخرين، يقضين او،، يصيعن ،، مع كل منهم وقتا يتوهمن انه السعاده والحظ

ولكى،، يسبكن الدور،، فلامانع من قليل من التلطف مع الزوج، لكن اكثر من التلطف الحاف مافيش، لا والف لا فسرير ابنتها يسعها ايضا، بحجة انها،، بتونسها،، وماله،،، ونسيها،،  وبعد ماتنام البنت البريئه،، ونسى،، نفسك انت كمان، بعد ماتطفى النور، افتحى الجهاز الزفت اللى اسمه  محمول واتكلمى ع الواتس ياست الستات  واحد بلا دين ولاضمير ولامانع انه يكون بيصلى زيك ويصوم، دى حاجه ودى حاجة تانية خالص،  فكل بنى ادم خطاء وخير الخطاءين التوابون، والله غفور رحيم، هذا الفهم المغلوط الذى تسلل للناس عبر شيوخ الفضاءيات

صلى يقولها،، النطع،، ذا اللحيه البيضاء الكثيفه  وهو يضغط ويمط كل حرف،  حتى ولو كنت بترتكب معصيه، المهم ان  تصلى، فالصلاة تنهى عن الفحشاء والمنكر

طيب ليه ياعم الشيخ يغلط من الاول وبعدين يستغفر ربنا ريرجع للمعصيه تانى ماتقول زى ماقال ربنا،، ولاتقربوا الزنا انه كان فاحشة وساء سبيلا،،

يعنى نبعد عن اى شئ يقربنا من هذا الذنب الكبير، الزنا والعياذ بالله.

نرجع للزوج، يقوم  من نومه لدخول الحمام، وقد يكون صاحبنا بيدخل الحمام بشكل متكرر، يطل علي الست اللى سابته ونايمه جنمب البنت، يلاقيها واحنا بعد نص الليل لساها صاحيه ووشها منور من المحمول الزفت فى الاوضه الضلمة

يقول لها

– لسه صاحيه ياعديله

–  تقوله خلاص هنام يامعدول

وتطفى الزفت المحمول وتخلى الاوضه ضلمه، يسير المعدول فى الضلمة كانه كفيف حتى يصل اليها

– قومى ياست

– ااقوم اروح فين الساعة دى ياراجل، روح نام وسيبنى انام.

وتشد الغطا عليها، واحنا فى عز بؤونه!!!!

– ياست انا كل يوم بنام لوحدى، تعالى ونسينى

– اونسك واسيب البت؟!!

– لأ خليك انت جنمب البت وانا جنمب الحيط

– ايوه كده صح.

وياعينى يمشى المعدول فى الضلمه زى الكفيف

وينام على السرير وشه للحيط ليصحو مع الصباح، يتربط فى الساقيه زى الجاموسه متغمى عنيه، ، وبعد مايمشى تمشى السوسه اللى لابسها شيطان النت ان كان فيس ولا  واتس تقابل شيطان الانس فى جلسة انس فى سيارة او شط مصرف او ترعه

المهم يكون بعيد عن العيون اللى عارفاها او ممكن تعرفها، ده اللى يهمها، طيب ياست وعين ربنا الذى لاتاخذه سنة ولانوم، مش فى بالك خالص.

للاسف يحدث ذلك كثيرا الان، من نساء بلا دين، او بدين يركز على الطقوس والقشور من الدين  فقط بعيدا عن جوهر الدين، اى دين، فكل دين يحرص على الفضيله والاخلاق والمعامله الحسنة بين كل فرد من افراد الاسرة والاخر وبين كل فرد فى المجتمع واخر، حتى يسود السلام الاجتماعى والسلام النفسى الذى هو الاساس فى بناء اسرة سليمة وناجحه مفيده، ومجتمع ناجح ومتقدم