تارك يا بلدى …بقلم / لميس الحو

تارك يا بلدى …

بقلم / لميس الحو

 

انا أم الشهيد واخته وبنته ….انا زوجة الشهيد وكمان خطيبته اللى دمه ودم زمايله روى ارضك يا بلدى، وطرح أبطال تانين قاعدين مستنين، بيطلبوا الشهاده بإيمان وعقيده فدا ترابك يا بلدى.

تارك يا بلدى حناخده ولو بالقلم – بالكلمة -بحد السيف والهمه، همة رجال أبطال شجعان رابطين كما الأسود على الحدود، ومتفرقين على الكماين والكتايب والسرايا – شبان جدعان عرسان في الجنه عرايسهم فى انتظارهم يزينوا الزفه والملايكه محوطاهم ورب العرش حارسهم. ..فهم إحياء عند ربهم يرزقون.

يا إرهاب يا خسيس ياللى اصلك انجليز وامريكان ويهود وعملاء خاينين.

عمرك ما حتقدر علينا. ..حتموت رجالنا. ..حنربيلك ولادنا على البساله والشجاعه والاقدام. ..حتموت ولادنا…بناتنا جاهزين ومستعدين للفداء والتضحية والقتال …في أى شرع واى دين الهتاف بإسم الله عند قتل جنود الله وهم يدافعون عن أرضهم بعزه وكرامه وشرف واباء …بأى حق يامن جعلتم بيوت المسلمين فى اعيادهم مآتم تنهمر فيها الدموع كدماء الشهداء على أرض سيناء.

ياااارهاب يا عدو الله – يمهلكم ولا يهملكم – لكم يوم يا غزاه – تقتلون وتصلبون وتشردون فى أرض الله على أيدينا بإذن الله.

شاهد أيضاً

بيطري الغربيه يضبط ٥ طن ونصف “رنجه” غير صالحة كانت معده للبيع فى شم النسيم

بيطري الغربيه يضبط ٥ طن ونصف “رنجه” غير صالحة كانت معده للبيع فى شم النسيم …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *