Anbaa Aldelta انباء الدلتا
مقالات مشابهة
قصيدة
كنت بقول دول صحبه واهل
بقلم / محمد بركات
كنت بقول دول صحبه واهل
ومعايا يقفوا في الازمات
وانا اتاريني غرقان في الجهل
ومصدق حبه شعارات
اتاريني واهم
ما كنتش فاهم
كل كلامهم ليا مراهم
وبتاع وقته
وانا صدقته
ياما حطوني في ضغط وحيره
وكنت بقول صحبه واحباب
انا دلوقتي هفضها سيرة
كان موضوع وقفلنا الباب
عمري وراح وسرقنا السن
ليهم تاني لا يمكن احن
ولا هستحمل ولا هتحايل
ولا حد يحملنى جمايل
عمري بحالي انا عشت وشايل
ومش مشكور
لفى يا ساقيه وهاتي الدور
ارتاح حبه واشوف النور
عمري معاهم وانا مقهور
ولا حد وساني ولا عبر
كله لحاله عايش ومكبر
ولا ريق حلو عشان اتصبر
كله منفض مش مهتم
امشوا سيبوني بكفاية هم
