انها مصر ام الدنيا معشوقتي ” حقائق  لابد من معرفتها جيدا عن مصر القديمة ” بقلم / فؤاد عجوة

انها مصر ام الدنيا معشوقتي

” حقائق  لابد من معرفتها جيدا عن مصر القديمة “

بقلم / فؤاد عجوة

رمسيس التاني مش فرعون موسي وفية ايات قرأنية بتأكد الكلام ده ؛

مفيش حاجه اسمها اطلاقا لعنة فراعنة ؛

مفيش حاجة اسمها اللغة الهيروغليفية ؛ الهيروغليفي خط مش لغة…لغتنا تسمي اللغه المصرية القديمة و ليها ٣ خطوط ؛ هيروغليفي ؛ هيراطيقي ؛ ديموطيقي ؛

مفيش حاجة اسمها عروسه النيل زي ما كان للاسف بتعرض الافلام دي كدبه الفها المؤرخين و زودوا عليها و كبروها ؛

— مصر كانت دولة عظيمة و مفيهاش قرابين بشرية ؛

مصر فيها اكتر من١٠٠ هرم ؛

الملك تحتمس التالت دخل ١٧ حمله عسكرية و كسبهم و بني امبراطورية عظمي وصلت من النوبة الي الفرات ؛

الملك رمسيس التاني بني امبراطوريه مصر التانية من شمال سوريا للشلال الرابع و كان ملك عظيم وأيضا ليس فرعون موسي ؛

توت عنخ آمون هو ابن اخناتون من سيدة مجهوله معروفه بالسيدة الصغري و ليس من نفرتيتي ؛

الملك رمسيس التاني مات و هو ٩٣ عام و كان عنده خشونه في الركبة و المفاصل و هو ليس فرعون موسي ؛

نفرتيتي ملهاش مقبرة و لا موميا و لحد دلوقتي بندور عليها هي و ايمحوتب المهندس باني هرم زوسر ؛

اسمهم مصريين قدماء مش فراعنة….لان مصر و ملوكها العظماء لن يرتبطوا ابدا بملك ذُكر بالطغيان و الظلم ؛

المصريين تعرضوا لاول غزو حقيقي علي يد الهكسوس و اتصدموا بالعجلات الحربية و الاحصنة و مسكتوش لا بدأوا يعملوا عجلات حربية احدث و افضل بكتير و هزموا الهكسوس و طردوهم خارج البلاد ؛

مصر حكمها سيدات كتير و اطولهم حكما كانت حتشبسوت لمده ٢٠ عام في الحكم ؛

مصر كانت بلد تعرف الاخلاق تفصل بين الرجال و السيدات و اكثر بلد حافظت علي حقوق المرأة بشهادة العالم اجمع ؛

اللي بنوا الهرم المصريين القدماء اجدادنا و الادله كتير برديات و نقوش و مقابر للعمال للمصريين اللي اشتغلوا في بناء الهرم بجانب الهرم و طريقة نقل احجاره محفوظه في برديات تدعي برديات وادي الجرف ؛

و اخيرا المصريين القدماء هم اجدادك و جيناتك الاصلية و اصل كل فخرك ؛

عرفها المؤرخون ؛

سباقة فى كل شئ وانفردت من بين كل بلاد الدنيا بالتكريم الألهي فى القرأن الكريم فى أكثر من آية ؛

ظلت منذ فجر التاريخ تفتح صدرها للجميع وتحتضن الجميع وتعطف على الجميع وتقتطع من قوت أطفالها لتطعم الجميع ؛

انها مصر ام الدنيا معشوقتي

شاهد أيضاً

ضبط سيارة دقيق محمله ب ٩ شكاير دقيق بلدى مدعم لبيعها بالسوق السوداء و ضبط  لحوم فاسدة 

ضبط سيارة دقيق محمله ب ٩ شكاير دقيق بلدى مدعم لبيعها بالسوق السوداء و ضبط  …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *