شيزوفرينيا والسم القاتل ( مخدرات ) : رؤيةوتعليق : عادل عبدالرحمن

شيزوفرينيا
والسم القاتل ( مخدرات ) :
***********
رؤيةوتعليق :
عادل عبدالرحمن
—————‐——-

إحذر المخدر الذي يذهب الوعي ويغيبك عن الدنيا.
راقبوا اولادكم….
كنت بشاهد فيديو محاكمة سفاح الإسماعيلية إللي ذبح صديقه وفصل راسه عن جسده من شهر تقريباً والنهاردة أخد حكم بالإعدام ..

وأنا بشاهد الفيديو شد انتباهي ولفت نظري أمه وزعلها عليه وصراخها وبكائها وهي بتقوله : يا حبيبي يا نور عيني ، وأخته وهي هتموت عليه
( ناس شكلهم غلابه) هما متأكدين إنهم آخر مرة هيشوفوه ، وهو بيبوس رجل أمه عمال يقولها وحدي الله يا أمي ده أمر ربنا !!
ده مش المجرم إللي شفناه بيقتل ويدبح ، ده تحس إنه شخص تاني مؤمن بقضاء الله بس وقت تنفيذ الجريمة كان واخد مخدر بيحول الإنسان إلى حيوان متوحش مش فقد عقله ومش حاسس بالدنيا !!( شيزوفرينيا)
ولحظات شهادة امه وأخته أمام القاضي كل واحدة فيهم كانت بتترعش وهي بتتكلم ، شكلهم أول مرة يدخلوا محكمة أو يتحطوا في موقف زي ده !!

علشان كده لازم نحافظ علي نفسنا ونبعد عن السموم المنتشرة
والشابو أخطرهم علشان نحافظ علي أهلنا وولادنا فلذة أكبادنا من البهدلة وقلة القيمة ، وبلاش نوجع قلوب حبايبنا علينا !!
ولازم كمان
نراقب اولادنا و نخلي بالنا منهم ونحافظ عليهم ، علشان في الأيام دي مفيش أكتر من أصدقاء السوء والمخدرات !!
وخصوصا ولادنا اللي في المدارس والجامعه.
لأن الصاحب ساحب
ومعاهم سلوكيات شاكوش وبيكا وحنجرة ورمضان ومسخرة .
الاعدام لسفاح الإسماعيلية
لا للمخدارت

شاهد أيضاً

لتبادل الخبرات بالمجالات العلمية والبحثية والأكاديمية: توقيع اتفاقية تعاون بين جامعتي طنطا والزنتان الليبية

لتبادل الخبرات بالمجالات العلمية والبحثية والأكاديمية: توقيع اتفاقية تعاون بين جامعتي طنطا والزنتان الليبية   …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *