أخبار عاجلة

مديح فى الحبيب … بقلم /محمد جعفر

مديح فى الحبيب

بقلم /محمد جعفر

 

كتبت مره مديح فى الحبيب
ما تصلوا يا احبابنا عليه
قلت اتولد يتيم الاب والام
ولا حد طبطب عليه
رباه عمه لغاية
لما وقف على رجليه
فى نص العشرينات
تزوج امنا خديجه
وكانت ام لينا وليه
وتاجر بمالها وسافر
ومالها زاد ف ايديه
وكان معاه ميسره
وشاف ايات بعنيه
ويحكى لامنا اللى شافه
يزيد شغفها بيه
و ف يوم رجع م الغار
خايف وبردان فردت الغطا عليه
طمنته
وتانى يوم خدته لابن عمها
لاجل تطمن عليه
لما شافه وسأله … قالها
نفس اللى نزل على موسى
نزل يا خديجه عليه
فرحت امنا بنبينا
وبقلب الام عماله تحضن فيه
وبدأت رسالة السما
والوحى ينزل عليه
والمسلمين يكتروا
فى العدد ويزيدوا يا ناس حواليه
ربى رجال وانتشر الدين
بحكمة محمد
مش بسيف وجزيه
زى ما قالوا عليه
وليوم الدين راح ينتشر
ويارب متنا عليه
سيدنا النبى تاج راسى
ما تصلوا يا احبابه عليه

عن naglaa

شاهد أيضاً

فى حب مصر- الملتقى الشعرى الثانى لأمانة مستقبل وطن حى ثان طنطا

فى حب مصر- الملتقى الشعرى الثانى لأمانة مستقبل وطن حى ثان طنطا   كتب – …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *