أخبار عاجلة

{{ من هو الإخواني }} — تحديد الإخواني من غيره ؟!! — بقلم / فؤاد عجوة       

{{ من هو الإخواني }} — تحديد الإخواني من غيره ؟!! —

بقلم / فؤاد عجوة     

 

 

من المواضيع المثيرة للارتباك أحيانا كيف تحدد فلان إخواني ولا لأ !! — قد تتهم شخص ما إنه من اعضاء الجماعه وتجد البعض بيتريق وآخرين يستنكروا ؛

••• لأن الشخص المذكور مثلا مش مربي دقنه ؛ لأن فيه صورة ذهنية نمطية عند ناس كتير إن الإخوان بيربوا دقنهم علي خفيف أقل من السلفيين

••• طبعا دي تصور خاطئ ؛ هناك عشرات الصور لأعضاء وكوادر لا خلاف على انتماءهم للإخوان من غير دقن خالص ؛

••• زي الكتاتني والبلتاجي وباسم عوده ومحمد محسوب وغيرهم ؛

••• إذا هذه القاعدة لاتصلح لأن لها استثناءات خطيرة وكتيرة ؛ وهناك البعص يستنكروا كيف تقول إن فلان إخواني وهو مثلا كان بيشرب أو كان ماشي مع بنات ؛

••• ومن الآخر هي نفس الإشكالية ؛ ،تنميط صورة الإخواني بأنه شخص متدين ؛ بينما الحقيقيه إن الإخوان كحركة لا تشترط الآن هذا التدين الشكلي بقدر ما يهمها إفادة الشخص لها ؛ من هنا ناس كتير مكنتش مصدقة ما قاله اعضاء الجماعة أنفسهم عن بعض القيادات بأن لهم ميول ▪︎شاذة▪︎ وممارسات منحرفة مع شباب الجماعة ؛

••• ناس مصدقتش رغم إنها كانت اعترافات ؛ وشكاوى من أشخاص هربانين ؛ فعلا من مصر وعايشين تحت رحمة الجماعة هناك في تركيا!!! — جماعة الإخوان ليست نادي اجتماعي حتي نبحث عن الاسماء بشؤون العضويه ؛ أو نبحث على كرنيه العضوية ؛

••• ولأن ده غير موجود ونحن نتحدث عن تنظيم له أسرار كتير ؛

••• ومن أهم أسراره بيانات الأعضاء ؛

••• وبالتالي انتظار دليل قطعي أمر مستبعد إلا بالنسبة للقيادات المعلنة المعروفة ؛

••• ويظل هناك اعدادا كثيره من المشكوك في أمرهم حقا!!! ☆ بالنسبه ليا أنا فؤاد محمد عجوه المحامي ☆ ••• الإخواني هو أي شخص يحمل أفكار الإخوان ؛ أو يدافع عن مواقف الإخوان ؛

••• سواء كان تنظيمي أو لأ ؛ ••• متعاطف مؤمن حقا بأفكارهم أو مجرد مغفل مضحوك عليه ؛ متفرقش عندي ● ••• النتيجة النهائية إنه بيحارب في صفوفهم ضدنا طول الوقت ؛

••• بيهاجمنا كمصريين طول الوقت ؛

••• بيحارب بلدنا بلا هوادة ؛

••• بينشر السلبية والكراهية والحقد طول الوقت ؛

••• وبدون مقابل غالبا ؛

••• أو بمقابل أحيانا ؛ ميفرقش معايا

••• التصنيفات حينها ••• يعني تنظيمي أم لأ •••

••• لأن الأذى اللي هو بيسببه بيطولني وبيطول بلدي ؛

••• بيطول أسرتي ؛

••• مثلا ما يفرقش معاك لو حد ضرب عليك نار بمسدس إن كان اللي شايل المسدس ده عنده 16 سنة ولا 60 سنة ؛

••• وميفرقش معاك راجل ولا ست ؛

••• ميفرقش معاك أيصا هو قصدك أنت تحديدا ولا كان قاصد حد تاني ؛ لأن النتيجة واحدة

••• إنك هتموت بالمسدس ده !!! ☆ الخلاصة ☆ ☆ أنا شايف إن المعيار

•• العملي

•• الوحيد لينا كأشخاص عاديين ؛

الأفكار والمواقف

••• لو الشخص يحمل أفكار الإخوان ؛ وبيدافع عنهم ؛ وعن مواقفهم ؛ وفي نفس صفهم ؛ وبيروج لنفس كلامهم ؛ خصوصا في المواقف الحرجة ؛

حينها ميفرقش معايا بقى هو إخواني تنظيمي أم لأ ؛

حتى لو كان عايش دور اليساري ● ● أنا هعتبره إخواني

وهتعامل معاه على هذا الأساس

 

عن naglaa

شاهد أيضاً

حملة تموينية على المخابز والمحالّ التجارية بمركز قطور

حملة تموينية على المخابز والمحالّ التجارية بمركز قطور   كتب -؛ عاطف دعبس – أشرف …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *