Anbaa Aldelta انباء الدلتا
مقالات مشابهة
هام وعاجل ….
احنا بنعلمك..
بقلم / ايمان عبوده
مدرسة تحفيظ قرآن كريم ونور البيان
انك تشتغل مدرس و بالأخص لسن صغير زي مرحلة حضانة دي حاجة إستحالة أي مخلوق على وجه الارض يفهمها أو يحس بيها الا اللي مارسها
رسالة الاول لاصحاب اي مهنه غير تدريس الحضانة (احنا مش بندي 1 2 3 و لا A B C ) اه طبعا بندرس الحاجات دي بس تبقى غلطان لو فاهم ان ده بس محور شغلنا
احنا الي بنعلم مسك القلم
احنا الي بنعلم ازاي تكلم صح
احنا الي بنعلم ازاي تقرا و انت مش عارف تقرا حتى كلمة من ٣ حروف ،
احنا الي بنخليك تكتب اول كلمة في حياتك
احنا الي بنخليك تقول اول جملة مفيدة تعبر بيها عن نفسك في حياتك
احنا الي علمناك تكتب اسمك
احنا الي عرفناك ازاي تجمع و تطرح لاول مرة في حياتك
سيبك بقى من كل ده و شوف الاهم
احنا الي علمناك الثقة في النفس
احنا الي علمناك حب المشاركة
احنا الي علمناك مساعدة الغير
احنا الي علمناك العمل الجماعي
احنا الي علمناك عدم الانانية
احنا الي علمناك مفهوم الصداقة بين اصحابك
احنا الي علمناك تثق في مين و تبعد عن مين
احنا الي علمناك مفهوم الاسرة في البيت و المدرسة
محدش يقدر يقلل من مجهود الام في كل الي تقال ده بس كل ام واثقة و عارفة ان في المرحلة دي بالاخص المدرسة هيه الي بتكون ليها التأثير الاكبر عن البيت و بذات لو الطفل حب معلمته بتكون مرايه بنسباله
و مفيش فرحة ممكن تساوي فرحتنا لما طفل يبقى عايز يجي المدرسة كل يوم بس عشان يكون معانا و يشوفنا
و طبعا انت بتتكلم على مشاعر مفيش اصدق منها في الوجود
بعد كل الكلام الي تقال ده و كل مدرسة فينا بيجلها فترة بتبقى عايزة تبعد عن المجال ده تماما لاسباب كتيرة و بيكون ديما اهمها المقابل المادي لمجهودك الي بتحسي ديما انه ولا حاجة
يمكن عشان في مصر مهنة التدريس دي ادنى مرتبات مع ان لا كان هيكون في دكتور ولا مدرس و لا محاسب من غير وجود معلم و بالاخص برده مرحلة الحضانة
لانها هي المرحلة الي بيتزرع فيها النوى الي هاتطرح خير او شر بعد كده
مهنتنا مهنه صعبه و متعبه و فيها مسؤولية عاليه جدا طبعا ده لاصحاب الضمير فقط الي بيشتغله بضميرهم قبل اي حاجة تانية
اوعى تيجي تقولي انتم شغلنتكم سهلة و كلها لعب عشان مهما كان ردي عليك عاقل و هادي اتأكد من جوايا هكون مقتنعه قد ايه انت شخص تافه و لا تفقه في اي شئ
تحيه لكل معلمه ..
تحيه لكل ام قبل ما تكون معلمه داخل فصلها
تحيه لكل واحدة عندها ضمير..
تحيه لكل واحدة اتحملت مسؤولية زي دي
احنا بنعمل حاجة مليون غيرنا ممكن يفشل انه يستحملها ..
لازم نفتخر بنفسنا حتى لو مجتمعنا مهتمش ب ده..
