حدوتة اسمها التفاؤل والامل ..اسمها النجاح والارادة ..  الحدوتة لبنت اسمها ” نهى عزام ” .. من طنطا ..

حدوتة اسمها التفاؤل والامل ..اسمها النجاح والارادة ..
الحدوتة لبنت اسمها ” نهى عزام ” .. من طنطا ..

 

نهى من اصحاب الظروف والقدرات الخاصة .. قصر قامة واصابة فى العضلات .. رغم الظروف دى .. الا انه ربنا اعطاها نعمة الارادة .. حاولت تلتحق بالمدرسة ماقبلتش لظروفها .. فضلت امية لسن ١٤ سنة ..هنا التحقت بفصول محو الامية ..
واتعلمت القراءة والكتابة .. عند سن ١٦ سنة لما عملت بطاقة قدرت تحصل على شهادة محو الامية .. حاولت تلتحق بمدرسة اعدادى محصلش برضه علشان ظروفها .. قدمت فى مدرسة بكفر الزيات ” منازل ” ..
حصلت على المركز الاول فى اعدادى مرتين على مستوى المدرسة .. بعد كده دخلت الثانوى ورفضت انها تمشى على عجلة وبدات تتعلم مشى على عكاز .. لحد ما نجحت فى الجامعة .. دخلت كلية اداب وحصلت على الليسانس ..
بعد كده عملت شهادة الاعاقة بنسبة ٥% .. مجاش ليها وظيفة مناسبة .. اخدت كورسات تنمية بشرية وتطوير ذات وكورسات بيزنس وكمبيوتر .. اتعلمت حرفة المشغولات اليدوية وبدات تروج منتجاتها ونجحت ..
عملت كمان دورات محو امية علشان تساعد زى مافيه اللى ساعدها قبل كده .. تبنت مبادرات خاصة بمتحدى الاعاقة انهم يقدروا ومافيش مستحيل .. البنت دى بظروفها دى ..
نجحت فى اللى فشل فيه شباب وبنات واولياء امور.. مرتاحين وجسمانيا تمام الحمد لله .. ومع ذلك مابنسمعش منهم غير فشل واحباط ويأس وروايات سواد .. وهما فاشلين سواء فى تربية او تخطيط لمستقبل .. البنت دى اثبتت انه المستحيل وهم .. وانه الامل والتفاؤل موجود .. وانه النجاح موجود شرط الارادة والعمل والتحدى ..
لو لسه يائس ومحبط وعايش فى دوامة فشل.. بعد ماتقرأ حدوتة نهى .. راجع نفسك والحقها وهاتقدر ….. هتلاقوا فى الصور دى اللى.. هى تخص نهى وشغلها .. ارقام تليفونات للتواصل مع اعمالها والانتاج بتاعها .. ساعدوها .. لانه واجب علينا .. نقدر قصة نجاح صنعها الامل والايمان وفشل فيها كتير من اصحاب الظروف السوية .

 

عن عبوده

شاهد أيضاً

اطفاء طنطا تخمد حريق بشقة فى برج سكنى ولا خسائر بالأرواح

اطفاء طنطا تخمد حريق بشقة فى برج سكنى ولا خسائر بالأرواح   كتب – عاطف …

محافظ الغربية يقود حمله تفتيشية مفاجئة على السلاسل التجارية الكبرى و محلات السوبر ماركت والبقاله والجزاره بكفر الزيات

محافظ الغربية يقود حمله تفتيشية مفاجئة على السلاسل التجارية الكبرى و محلات السوبر ماركت والبقاله …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *