قصيدة بعنوان”وحشتينى ..” بقلم / محمود ابراهيم

مقالات مشابهة

مطرب صاعد  “سالم الوشاحى ” موهبة فنية من طنطا

جامعة طنطا: قافلة طبية بيئية شاملة بالمجان بزفتى

“خديجة” والارهاب …اللعين…بقلم / عبدالعزيز مبارك

قصيدة بعنوان”وحشتينى ..”

بقلم / محمود ابراهيم

“وحشتينى ..”
دى كلمة خارجة من قلبى بلا استئذان
بدون تصاريح ولا حتى ورق مختوم
يادوبك أحنلك فجأة..فاتوه منى واتوه م الناس
ولو جابوا ألوف تملى المكان علشان تلاقينى
مفيش غيرك بيقدر انه يلاقينى
وده طبعا نتاج انك وحشتينى

ومين قال البعاد يقدر ينسينى ملامحك ؟!
ومين قال إن بعدك عنى بيقرب ف ناس تانيين !!
دنا والله من يوم اما حبك قلبى عاهدتك على انك لوحدك ساكنة فى قلبى ليوم الدين
وانك وحدك القادرة تطوفى وتسكنى ف روحى
وانك شجرة بتخفف وبتضلل على جروحى
وانك دار بتحمينى .. وانك نهر يروينى..
وانك دربى وطريقى ونور عينى
تعالى خلاص .. وحشتينى

يا من ف الكون بكون حاسه قريب رغم كونه بعيد
يا روح ساكنة ف جوف روحى وبتخليلى قلبى سعيد
يا قشة مسكت انا فيها ..وقلبى داب ف معاليها
وكل ما اروح انا ليها .. بتنجدنى وتحمينى
يا ست الكون وحشتينى

أنا كاتب رسالة شوق لمعاليكى
“إلى الحور اللى م الجنة ويخفى جمالها نور الشمس
إلى مهد الهوى ،مهد الجمال ،
إلى البنت اللى قلبى إليها مال
رسالة كتبتها ليكى وماضى عليها اتنين شهود
وأولهم : حنين قلبى
وثانيهم دموع عينى.. حروفها كتير
ومضمونها “وحشتينى”