أخبار عاجلة

قصيدة بعنوان” أول ديسمبر ” بقلم / محمود ابراهيم

قصيدة بعنوان” أول ديسمبر “

بقلم / محمود ابراهيم

 

اول ديسمبر
وانا وانتى ويا الليل سوا
صوت الهوا ويا المطر
عاملين كلحن بيتعزف فوق الوتر نرقص عليه

أول ديسمبر واللى فيه
وأنا وانتى والليل والسهر
بندوب ف حضن من الحنين
انا وانتى والليل سهرانين
وجميع خلائق ربنا جوا البيوت
صوت السكوت بيحوم على عتب المكان
فطلبت منك نرتجل مع بعض رقصة تدفى ليل هادى وحزين وتزيد ف شوق العاشقين وتعلم الأمن الأمان وتعلم العود الحنان وتعلم الناى والكمان ان المطر ينفع وتر نرقص عليه .
حتى لما تروحى وتقابلى المطر ابقى اسأليه

صدقينى أنا بس طالب حضن لما بتوحشينى.
انا يعنى هحكى لك عن الحضن ف ديسمبر والمطر!!
ابقى احضنينى ..
وقت خوفى من القدر
وقت شوق ساعة سهر
واما تلاقينى بببكى خايف م البكا
واما اشتكى م اللى اشتكا..
من صوت هوا تحت المطر

علمينى أبنى شطى جنب شطك
وابنى بيتى جوة أرضك
واقيم صلاتى وأئم فرضك…..

ان كنتى ناوية تعلمينى ابقى احضنينى
اخاف اقول مستنى ردك .. تخذلينى!

أول ديسمبر
بالذات وانا تحت المطر
بالذات وانا ف حالة سهر
ورغم قرب روحى ليكى بتوحشينى

عن anbaa

شاهد أيضاً

الإسراء والمعراج…. بقلم : مسعد خلاف

الإسراء والمعراج. بقلم : مسعد خلاف   قد جئت خيرا. بتوفيق ربي لانت المطاع بحسن …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *